Friday, September 7, 2007

ဓါတ်ဆီထုတ်ရတဲ့ ဒုက္ခ…


ဓါတ်ဆီဈေးကြီးတာ မကြီးတာ က အသာထားဦး ။ ကျွန်မကတော့ မန္တလေးမှာ ဆိုင်ကယ်ဆီ ထုတ်ရတဲ့ ဒုက္ခကို အမြဲကြုံရပါတယ် ။ ဓါတ်ဆီက ဆိုင်ကယ်တစ်စီး(ယ/၁ယ) တစ်လကို ၁၀ ဂါလံထုတ်ရတယ် …. မတလ ဆိုင်ကယ်ဆို တစ်လ ၄ ဂါလံပေါ့ … ကျွန်မ က ဆိုင်ကယ် ၂ စီးစာ အတွက် တစ်လကို ၁၄ ရက် ဆီဆိုင် ၂ ဆိုင်မှာ ဆီထုတ်ရတယ်လေ ……. ဘယ်လို အချိန်မျိုးသွားရသလဲဆိုတော့ မနက်စောစော ၆ နာရီခွဲ လောက်သွားမှ လူနည်းတော့ အေးအေးဆေးဆေးထုတ်လို့ရတယ် ……… တခါတလေ မအားလို့များ နေ့ခင်းဘက သွားလို့ကတော့ ဆိုင်ကယ်တွေ အုံကြွပ်နေတဲ့ ကြားထဲ မနည်းကို တိုးရတယ် ။



တခါတရံ ဆီကားချနေတာနဲ့ ကြုံရင် နေပူကြီး ထဲမှာ အကြာကြီး ဆိုင်ကယ်တန်းစီပြီး စောင့်ရတယ် ။ ၁ နာရီ ခွဲလောက်ကြာအောင်ကို ရပ်နေရတာဘဲ အိမ်ပြန်လို့ကလည်း နောက်တစ်ခေါက်ပြန်ထွက်ဖို့က မအားလို့လေ ။ ဘယ်အချိန် ဆီကားချတတ်လဲ ဆိုတာကလည်း မှန်းလို့ ရတတ်ဘူး ။ ကိုယ်မှန်းပြီး သွားလည်း လွဲချင်လွဲနေတတ်တာ ။ အဲလို အခါနဲ့တိုးလို့ကတော့ အရမ်းစိတ်တိုရတာပါဘဲ …. ငါ့အချိန်တွေကို အလကားလုပ်ပစ်တယ်ဆိုပြီး … ပြီးတော့ ဒီလောက် ဆိုင်ကယ် အများကြီး တိုးနေတဲ့ကြားထဲက ဆီထည့်ပေးတဲ့ လူကလည်း တစ်ယောက်တည်း .. မပြီးနိုင်တော့ဘူး … တိုးလိုက်ကြတဲ့ ဆိုင်ကယ်တွေကလည်း အများကြီး ……ဆိုင်ကယ်ထိန်းရတာလဲ မိန်းကလေးတစ်ယောက် အနေနဲ့ အားကိုကုန်ရော …..


ဆီကားချလို့ စောင့်ရတာ အားမနာတဲ့ အပြင် ဆီထည့်ပေးတဲ့ လူရဲ့ Serviceကကောင်းတော့ ဆီဆိုင်က ပြန်လာပြီးရင် စိတ်တိုရလွန်းလို့ လေ ။ မန္တလေးမှာက ဆိုင်ကယ် အသုံးများတော့ ကျွန်မလိုဘဲ ဆိုင်ကယ်စီးသူမှန်သမျှ ဒီလို ဒုက္ခတော့ ခံရတာပါဘဲ ။ ဒါကြောင့် အခု ဓါတ်ဆီ ထုတ်ရင် လကုန်ခါနီး ရက်မျိုးကိုဘဲ ရွေးပြီး ထုတ်တယ် ။ လူနည်းအောင်လို့လေ ။ ဒီလိုကျတာ့လည်း ဆီကမထုတ်ထားတော့ ဈေးတတ်တာနဲ့ မိပြန်ရော .. သြော် ဖြစ်ရလေပေါ့ …. အခုကျတော့ ဆီထုတ်ဖို့ မနက်အစောကြီး ရပြန်တော့ ….. အရမ်းအိပ်ချင်ပြီး မထချင်ဖြစ်တဲ့ အခါဆို ဓါတ်ဆီဆိုရင် တော်တော်ကို စိတ်နာချင်မိတာ အမှန်ဘဲ …



No comments:

<$BlogPageTitle$> <$BlogMetaData$>